பெரம்பலூரில் குரூப்4 தேர்வு இலவச பயிற்சி வகுப்பு-கலெக்டர் தரேஸ்அகமது துவக்கி வைத்தார்!
பெரம்பலூர், அக். 21:
பெரம்பலூரில் தமிழ்நாடு அரசுப்பணியாளர் தேர்வாணைய குரூப்&4 தேர்வுக்கான பயிற்சி வகுப்பை கலெக்டர் தரேஸ்அகமது துவக்கி வைத்தார்.
தமிழ்நாடு அரசுப்பணியாளர் தேர்வாணைய குரூப்&4 தேர்விற்காக பெரம்பலூர் மாவட்ட நிர்வாகத்தால் அளிக்கப்படும் இலவச பயிற்சி வகுப்புகள் பெரம்பலூர் கலெக்டர் அலுவலகத்தில் நேற்று துவங்கியது. அதற்கான நிகழ்ச்சியில் கலெக்டர் தரேஸ்அகமது கலந்துகொண்டு பயிற்சி வகுப்பை துவக்கி வைத்தார். பயிற்சிபெறுபவர்களிடம் கலந்துரையாடும்போது அவர் தெரிவித்தாவது:
தமிழ்நாடு அரசுப்பணியாளர் தேர்வாணையம் நடத்தும் குரூப்&4 போட்டித் தேர் வினை எதிர்கொள்ள, மாவட்ட நிர்வாகத்தால் வழங்கப்பட்ட பயிற்சிகளில் பங்குபெற்ற நூற்றுக்கணக்கான நபர்கள், போட்டித்தேர்வுகளில் வெற்றிபெற்று பல்வேறு துறைகளில் பணியாற்றி வருகின்றனர். இந்த ஆண்டு டிசம்பர் 21ம் தேதி குரூப்&4தேர்வுகள் நடைபெற உள்ளன. இந்தத் தேர்வின் மூலம் இளநிலை உதவியாளர், தட்டச்சர், நில அளவர் உள்ளிட்ட 4,963 காலிப்பணியிடங்கள் நிரப்பப்பட உள்ளன.
இந்தத்தேர்வில் பெரம்பலூர் மாவட்டத்தை சேர்ந்தவர்கள் கலந்துகொண்டு அதிக அளவில் வேலைவாய்ப்பு பெறவேண்டும் என்பதற்காகத்தான் மாவட்ட நிர்வாகத்தின் மூலம் இந்த பயிற்சி வகுப்புகள் நடத்தப்படுகின்றன. பயிற்சி வகுப்பில் பயிற்சி அளிப்பவர்கள் இது போன்ற போட்டித்தேர்வுகளில் பங்குபெற்று வெற்றிபெற்ற நபர்கள் ஆவார்கள். அவர்கள் தற்போதும் பல்வேறு போட்டித்தேர்வுகளுக்கு தங்களை தயார் செய்து வருகின்றார்கள்.
உங்களுக்குக்கிடைத்த இந்தவாய்ப்பினை பயன்படுத்தி, நீங்கள் அனைவரும் முழு கவனம் செலுத்தி பயிலவேண்டும். இங்கு அளிக்கப்படும் பயிற்சியோடு நிற்காமல் மீதம் உள்ள நேரங்களிலும் உங்களை தயார் செய்து கொண்டே இருக்க வேண்டும். குரூப்&4 தேர்விற்கு உங்களுக்கு கால அவகாசம் மிக குறைவாக உள்ளது.
இந்த குறுகிய காலத்தில் தேர்வினை எதிர்கொள்ள மாவட்ட நிர்வாகத்தால் தமிழ், கணிதம், பொருளியல், தாவரவியல், விலங்கியல், நடப்பு நிகழ்வுகள், இந்திய அரசியலமைப்பு, வரலாறு, புவியியல், ஆகிய பாடங்களில் சிறந்த பயிற்சியாளர்களைக்கொண்டு பயிற்சி அளிக்கப்பட உள்ளது. தேர்வு எழுத தன்னம்பிக்கையுடன் விடாமுயற்சியும் வேண்டும். தேர்வு எழுதும் வரை உங்களுக்கு வெற்றி பெறவேண்டும் என்ற சிந்தனை மட்டுமே இருக்கவேண்டும் எனத் தெரிவித்தார்.
இந்தப் பயிற்சிவகுப்பில் நடத்தப்படும் பாடங்கள், குறிப்புகள் குறித்த விபரங்களை
http://drkannaexams.blogspot.com/
என்ற இணைய தள முகவரியில்சென்று தெரிந்து கொள்ளலாம். இந்தநிகழ்ச்சியில், தமிழ் நாடு அரசுப்பணியாளர் தேர்வாணைய குரூப்&4 தேர்விற்காக மாவட்ட நிர்வாகத்தால் அளிக்கப்படும் இலவசபயிற்சி ஒருங்கிணைப்பாளர் ஜெய
ராமன் மற்றும் பயிற்சியாளர்கள் கலந்து கொண்டனர்.
கலெக்டர் துவக்கி வைத்தார்
Category: மாணவர் பகுதி, மாவட்ட செய்தி
0 comments