துபாயிலிருந்து சென்னைக்கு கடத்திய 1 கிலோ தங்கம் பறிமுதல்: 2 பயணிகளிடம் விசாரணை!
சென்னை, செப். 20–
இன்று அதிகாலை துபாயில் இருந்து சென்னைக்கு ஒரு விமானம் வந்தது.
அதில் சென்னை விமான நிலையம் வந்து இறங்கிய பயணிகளிடம் அதிகாரிகள் சோதனை செய்தனர். அப்போது 2 பேர் தங்கம் கொண்டு வந்தது கண்டு பிடிக்கப்பட்டது.
அவர்களிடம் இருந்து தலா 500 கிராம் வீதம் மொத்தம் 1 கிலோ தங்கம் பறிமுதல் செய்யப்பட்டது. அதன் மதிப்பு ரூ.35 லட்சம்.
தங்கம் கொண்டு வந்தவர்கள் முகமது யூசுப் (28), முகமது மஜீத் (32) என்பதும் இவர்கள் சென்னையை சேர்ந்தவர்கள் என்பதும் தெரிய வந்தது.
இவர்களிடம் தகுந்த ஆவணம் இல்லை. தங்கத்தை துபாயில் இருந்து கடத்தி வந்திருக்கலாம் என்று தெரிகிறது. மேலும் விசாரணை நடந்து வருகிறது.
Category: மாநில செய்தி
0 comments