சென்னை நிலையத்தில் ஒரே நாளில் அதிரடி சோதனை 3 விமானங்களில் 5 பேரிடம் ரூ.1.5 கோடி தங்கம் பறிமுதல்!
இதில் சந்தேகமடைந்த அதிகாரிகள் அவர்களை விமான நிலையத்தில் உள்ள மருத்துவமனைக்கு அழைத்து சென்றனர். அவர்களை எக்ஸ்ரே எடுத்து பார்த்தனர். அதில், அவர்கள் வயிற்றில் சிறிய குண்டுகள் இருந்தது தெரியவந்தது. உடனே 2 பேருக்கும் எனிமா கொடுத்து குண்டுகளை வெளியே எடுத்தனர். இருவரின் வயிற்றில் இருந்தும் அரை கிலோ தங்க குண்டுகள் வீதம் 1 கிலோ தங்க குண்டுகள் கைப்பற்றப்பட்டன. இதன் மதிப்பு ரூ.30 லட்சம்.
காலை 10 மணிக்கு சிங்கப்பூரில் இருந்து வந்த ஏர் இந்தியா விமானத்தில் சென்னையை சேர்ந்த 2 பேர் சுற்றுலா விசாவில் சிங்கப்பூர் சென்று திரும்பியிருந்தனர். ஒருவரது சூட்கேசில் 2 கிலோ தங்க கட்டிகளும், மற்றவரது சூட்கேசில் 1 கிலோ தங்க கட்டியும் சிக்கியது. மதிப்பு ரூ.90 லட்சம். நண்பகலில் சிங்கப்பூரில் இருந்து சென்னை வந்த ஏர் இந்தியா எக்ஸ்பிரஸ் விமானத்தில் சிவகங்கையை சேர்ந்த ஒருவர் சுற்றுலா பயணியாக சிங்கப்பூர் சென்று திரும்பி இருந்தார்.
அவரது சூட்கேசில் அரை கிலோ தங்கமும், ஆசனவாயில் மறைத்து வைத்திருந்த அரை கிலோ தங்க கட்டிகளும் பறிமுதல் செய்யப்பட்டன. இதன் மதிப்பு ஸீ 30 லட்சம்.
நேற்று காலை 7 மணியில் இருந்து பிற்பகல் 2 மணி வரையில் நடத்திய சோதனையில் 3 விமானங்களில் வந்த 5 பேரை கைது செய்து அவர்களிடம் இருந்து ரூ.1.5 கோடி மதிப்பிலான தங்க கட்டிகளை பறிமுதல் செய்தனர்.
Category: மாநில செய்தி
0 comments